عاش معايا سنين و اتحملني و سافر معايا و لحقني في اوقات الديدلاين
ايام مكنت مش طايق اقعد في البيت و عندي كرييتف بلوك
فاحطه في الشنطه و ننزل نقعد علي القهوه
لحقني ايام مكان فاضل 4 في الميه بس في الشحن واستني معايا لحد مخلصت التصميم الي معايا و بعدها فصل
الابتوب بتاعي
لو في كلمه توصفه هتبقي صديقي لانه متخلاش عني
علي عكسي انا خنته و تخليت عنه و جبت ايباد برو و بقا معايا طول اليوم
زرايو الكيبورد الي كتبت عليها ملايين الحروف وقضيت الاف الساعات في اخر 5 سنين
كتبت خواطر افكار و خطط وصلتنا لاحلام كان كله بيقولنا انها مستحيله
اشتغلنا و لعبنا و جبنا فلوس و صرفنا و سافرنا و حبينا و فشكلنا
وهو زي مهو موجود وقت محتاجه
رساله اخيره يا لابتوبي
انتا فارق معايا
لحد دلوقتي متعودتش علي الايباد زي مكنت متعود عليك
محدش عارف بعد كده هيحصل ايه يمكن فيوم نرجع لبعض تاني
بحبك
محمود