الاستقرار الوظيفي
هل الشغل الفريلانس افضل ولا الوظيفه من 9-5
21-4-2025
9:32 ص
دبي، الامارات العربية المتحدة، مدينة دبي للانتاج.
بعد سنه و 8 شهور شغل فول تايم في الامارات
جزء منهم كان في الشارقه و جزء في دبي.
ايه انطباعي عن التجربة دي خصوصا بعد مكنت قبلها اكتر من 6 سنين شغال عمل حر بس ؟
فهل شغل 5-9 افضل ؟ و لا الحرية و الاستقلال افضل ؟
خلينا نرجع لورا شويه
لاني قعدت سنين اطلع في فيديوهات اتكلم عن اهميه العمل الحر و مميزاته و الي كانت
مميزات فعلا من تجربتي.
انا اكتسبت مميزات العمل الحر في فتره كنت صغير فيها في السن و مكنشي عندي مسؤليات كبيرة
فكانت ايا كانت النتيجه المادية او المعنويه هتكون حاجه ايجابية جدا لاني في الاخر انا مش خسران حاجه
و ده كان بيديني رفاهيه التجريب و الاختيار في المشاريع الي اعملها و كمان الابداع في النتايج و الريسك
كل ده كان ليه ضريبه ؟
اكيد كان ضريبتها عدم الاستقرار علي دخل مادي واضح شهور تبقي تدخل عشرات الالاف و شهور تدخل
مصاريف قليله جدا تكاد تغطي المصاريف.
و عدم الاحساس ان في خريطه او طريق او منهج تمشي عليه ؟
و سؤال ايه هو بعد كدا ايه الخطوه الجايه او ايه المشروع الكبير الجاي الي هشتغل عليه ؟
كل ده وصلني لاني قلت لنفسي ليه لا مجربشي الفول تايم
مجربشي الحاجه الي عكس كل الي مؤمن بيه
حاجه مش بتاعتي مش بكبر فيها
تصحي كل يوم في معاد و تروح في معاد و عندك يومين بس اجازه ؟
روتين و ملل و غيره و غيره و غيره !!
ده الكلام الي كلنا كنا بنسمعه. و الي انا كنت بقوله و الي في جزء من الصحه
و كل الكلام ده من روتين و ملل ده فحد زاته لو بصيتله من نحيه تانيه ؟
هتلاقي اه انا بصحي كل يوم في معاد محدد
ده حاجه حلوه و صحيه و بتخليني نشيط
لو الشغل ده مش موجود مش هصحي و هكسل و هخشي في مود اكتئاب
وجود الشغل بينظملي حياتي
احساس اني مطمن اني عارف اخر الشهر هيبقي معايا فلوس قد ايه
واني في خلال سنه هيكون معايا فلوس قد ايه
برا وقت الشغل هيبقي عندي حريه الاختيار اني اعمل الي انا عايزه
اروح الجيم اخرج مع صحابي ازاكر كورس او اشتغل فريلانس
بعد سنه او اتنين تقدر تحدد انتا هتجيب بيت عامل ازاي
تقدر تحدد هتجيب عربيه عامله ازاي
تقدر تحدد حاجات كتيره
مش كل الوظايف حلوه او مرتاباتها حلوه
لكن في اماكن الناس بتحلم تشتغل فيها
اماكن هتلاقي فيها الناس بقالها سنين شغاله و مبسوطه
متحدده job description بتاعها
ميمنعشي ان في بعض الاحيان بيكون في
ضغط شغل او حاجات تتعمل بشكل اسرع
و علي النحيه التانيه هتلاقي في العمل الحر ضغط شغل اكتر و حاجات بتتعمل اكتر
بعد اكتر من سنه و 8 شهور في الامارات
ضغط شغلي في العمل الحر كان اكتر
لكن مقدرشي احكم علي الدخل المادي ابدا
لاني مجربتش العمل الحر بشكل كامل في الامارات
جربته بشكل جانبي فقط
ممكن لو جربت العمل الحر هنا و نشوف النتايج تكون التجربه و الحكم عادله اكتر
لو انتا لسه بتبتدي في المجال
متقفلشي دماغك علي حاجه واحده
اذا كانت اتجاه ده او ده
امشي مع الموجه و الفرص الي تبقي متاحه ليك و اسعي في كذا اتجاه
و كمل في الي ربنا يوفقك فيه
تحياتي ليكم و شكرا لوقتكم
♥