اجمد
٢:٢١ ص
١٠ مايو
الجمعه
ابقي كداب لو اني جامد
و ابقي مزيف لو قعدت ابين اني جامد و اقدر اعدي كل حاجه صعبه
كل الي اقدر اعمله اني ابقي موجود
و مفيش غيره معايا
امبارح الساعه ٤ ونص
طالع من الانترفيو مخنوق و حاسس بكتمه نفس رهيبه
بفتح الكاميرا اصور فيديو
علشان اطلع اقذر كلام ممكن تتخيله
و بعدين اوقف تصوير
وارجع افتح كاميرا تاني
واخد نفس و استهدي بالله
و ابتسم و اقول مميزات الانترفيو
و ايه الحلو و ايه كان صعب و ازاي كان تحدي بالنسبالي
ختامها مسك
بعد معملت التست في الانترفيو
الراجل الي كان بيعمل الانترفيو
قلتله انا عايز امسح التيست الي عملته ده حقي
قالي تيست ايه ليه انتا عاملنا براءه تصميم
وشه قلب مره واحده ١٨٠ درجه و هو بيكلمني
و لا كانه نفس الشخص الي كنت معايا في الانترفيو
ولا كاني بطلب حاجه مش حقي
انا عملت تيست و اديتك من وقتي و هتبقي ترد عليا
ماشي انا من حقي امسح التيست الي عملته من جهازكم ؟
قعدت يهرتل كتير
سيبته و مشت
اسوء ناس تتعامل معاها الي شغالين في الطباعه
و المصانع
لما تيجي تشتغل في شركه اشتغل مع فريق تسويق و اداره فاهمه
علشان متتعبشي
ولو انتا لسه بتبتدي كاريرك اتعلم و طور نفسك
علشان متتعبشي بعدين
الحمد لله ربنا رزقني برفاهيه اختيار
لكن في ناس تانيه معندهاش الرفاهيه دي
وفي ناس عندها مسئوليات اكتر مني
و بترضي بالي موجود حتي لو مش بقيمتها
فانتا وقت منتا بتدرس بتتعلم
بجد هتندم علي الايام الي بتضيعها
لو اتحطيت فموقف زي الي كنت فيه انهارده
اتعلمت حاجتين في الموقف ده
لو معاك فلوس او اهلك معاهم فلوس
ده هيريحك و هيديلك خيارات افضل في شغلك و حياتك
فكك من جو اتعب و ابتدي من الصفر
في ناس بتخش في زون مبتخرجشي منها
المصمم الي كان موجود انهارده في المكتب
قالي انا بقالي ٧ هنا
قلتله بقالك سبع سنين في الامارات ؟
قالي اه و في الشركه دي
اوضه مفيهاش غير مكتب واحد
وجهاز ويندوز مش متفعل عليه الويندوز اصلا
و التكييف مش كويس
٧ سنين
كان اسمه اسامه
جنسيته هندي
قلت لنفسي ازاي قدر يقعد ٧ سنين هنا
ربنا بيصبر ناس
انا مقدرتش اقعد ساعتين
طلعت من المصنع مش شايف قدامي و الدنيا حر
ومفيش حد في الشارع
ومعنديش اي فكره حروح ازاي
ولا في تاكسي ولا اي حاجه
ولا حتي معايا باقه نت
لحد ملقيت حد قدامي كانه جاي من السما
لابس جلابيه و حاطط لاب توب فايديه
ودقنه طويله
تحت عنيه اسود غامق و متبهدل
قلته
please do you know how to go to sharjah from here ?
any bus or anything ?
come with me i am going to sharjah
مصدقتش نفسي و كانه جالي من السما
ورحت جري علي العربيه قبل متحرق من الحر
درجه الحراره ٤٠ تقريبا
الجو صهد فظيع
قلتله
i was coming for an interview and they are a bad company, how they are asking us to make creative designs without giving us the tools without giving me resources, even the conditioner is bad.
companies here told give a shit about you they only care about money, you are just a number to them, i have my own company and here is a client here i was working with, i never do discounts, people here don’t care and should do you, khaly waly
خلي والي
بسمع الكلمه دي كتير من الباكستانين
خلي والي يا حبيبي
حكالي طول الطريقه ٥٠ دقيقه
ازاي جه الامارات و مكنشي معاه درهم
و اشتغل و طلع ميتينه و دلوقتي عامل شركه و معاه عربيه
كنت عايز اروح باي طريقه
و لو اني اسمعه طول الطريق و ابصله و هو بيتكلم و ابتسم علشان اوصل البيت فده فير.
وريته التيك توك بتاعي. قالي ازاي قاعد بتشتغل عند الناس و انتا
عندك الاكونت ده
اعمل شغل فريلانس اعمل اي حاجه
حتي لو بميت درهم
اول مقربنا البيت قالي اعمل فيزا
قلتله اعملها ازاي
قالي انا عندي شركه هعملهالك
مع اني مش بعملها لاي حد