“كم تمنيت مرور الأيام ونسيت أنها عمري”
١٨-٦-٢٠٢٤
صباح مشمس عندي! درجه الحراره عندكم عامله ازاي الفتره الي فاتت ؟
الجمله الي موجوده في العنوان دورت كتير علشان اعرف مين الي كاتبه لكن موصلتش لنتيجه.
عارفين الحاجه الي بتحصل و توديك في عالم تاني خالص. نقطه تغير مسار حياتك ؟
هل ده ممكن يحصل ؟
زي مقلت قبل كدا انا مش مؤمن بان التغيير بيحصل بشكل سحري و لكن خطوه خطوه ويوم في التاني
خصوصا لو كان التغيير ايجابي و مستمر زي تجربتي مع الشغل علي سبيل المثال.
“كم تمنيت مرور الأيام ونسيت أنها عمري”
لما شفت الجمله دي خضتني و فكرتني بفترات بتمني اني امسحها من زاكرتي
لكن في بعض الايام محتاج نفتكر الايام دي علشان نتعلم منها
عكس الايام الصعبه الي
هو انك تبقي في حاله و ايام جميله و مبسوط و عايزها تعدي بسرعه علشان توصل لايام احلي و اجمل
الجمله دي ممكن تيجي علي بالك و انتا فالشغل
بس اليوم ده يعدي و بس الاسبوع ده يعدي
بعد فتره فهمت شئ مهم
بعد مضيعت لحظات كتيره مش عايش اللحظه بحلوها او مرها
انا قررت اني ابتدي اتعامل مع كل شئ و كانه اخر لحظه في حياتي - و اني استمتع بيها علي قد مقدر
اتعلمت اني استوعب خوفي و قلقي اكتر
اني اتكلم مع صحابي اكتر علشان افهم حاجات بدلا من تهويلها بيني و بين نفسي
اخر حاجه
يارب كل ايامكم تبقي حلوه بتفاصيلها و عيشتكم مرضيه و تستمتعوا بكل حاجه حواليكم
من اهل و اصحاب و عيشه و جو حلو و ونس