مراجعة كتاب هيبي لباولو كويلو

تقييم لروايه عن اليهيبز و تجربه باولو كويلو الحقيقه

مقدمة

• قررت اقرا كتاب هيبي علشان عندي فضول اعرف اكتر عن الهيبيز و الي الكلمه دي قالهالي واحد صحبي فمره كنا قاعدين علي قهوه فمصر بعد مكنت راجع من سفريه حوالين مصر استمرت شهرين من القاهره للغردقه نزولا بشلاتين لحد الاقصر ورجوعا للقاهره. فملقتش افضل من باولو كويلو يتكلم عن الهيبيز و مين هما و ايه افكارهم و ايه علاقتهم بالمخدرات و الجنس و السفر

ملخص الكتاب

• الكتاب بيتكلم عن شاب بيسافر في رحلة طويلة علشان يلاقي نفسه. بيقابل ناس كتير في طريقه وبيتعلم دروس مهمة عن الحياة. و هي قصه حقيقه للكاتب البرازيلي المعروف باولو كوليو كاتب (الخيميائي)

• بيقابل كويلو فتاه اسمها كارلا و الي بتقنعه انه يسافر معاها في اتوبيس السعاده لنيبال من هولندا. السفريه دي بيكتشفوا فيها معاني جديده للحياه و الحب و الحريه

رأيي الشخصي

• الي عجبني في الكتاب انه مليان تفاصيل حقيقة عن حياه كويلو و رحلته الشخصية وتجربه مع التصوف والدراويش رغم انه مسيحي.

• اللغه كانت بسيطه وواضحه كعاده باولو وده خلاني اخلص الكتاب في يومين بس

• في حاجات كانت ممله زي بعض حكايات اشخاص في الاتوبيس مكنتشي مهمه ليا

• عجبني فكره انه بيحكي الافكار للبطل و البطله

اقتباسات مميزة

• لان الصحف و الراديو و التلفاز تمطرنا يوميا بوابل من المعلومات لكن ان اعترفنا ب وحده الوجود فلن نحتاج الي سواها سنفهم للحظه وجيزه معني الحياه لكن هذه اللحظه الوجيزه ستمدنا بالقوه للبقاء حتي نعرف ما يسمي الموت الذي هو في الواقع معبر لنا الي الزمن احلقيز

تقييم الكتاب

• أديته ٣.٥ من ٥ نجوم. الكتاب ده مناسب للي بيحبوا كتب السفر والاكتشافات الشخصية، واللي عاوزين يعرفوا أكتر عن حياة كويلو وتجربته الشخصية

الخاتمة

• الكتاب جميل لا حد بيحب السفر و هيعرفك اكتر بشخصيات الناس الي بتسافر و باقل التكاليف و كمان يشجعك انك تحوش علشان تسافر رحلتك الجاية

• وقفت قرايه الكتاب عند ٨٥٪ منه ووعدت نفسي اني هكملها لما اركب طياره و اسافر مره تانية

  رغم اني هموت واعرف ايه النهايه و هيحصل ايه بين كارلا وباولو 

  ويترا هيكموا حياته في البانيا و لا يرجعوا تاني هولندا

  حكايات كتيره

  و انتا بتقرا الروايه هتحس نفسك بتسافر معاهم

  هتحس ان ده الاحساس الي انتا عايز تعيشه و تجربه وان اي حاجه تانيه ملهاش اي لازمه ولا اي معني

  حياه الهيبز بدون قيود بدون حدود بدون مكان معين

  تروح مكان ميوديك هواك

  مفيش شغل مفيش التزامات

  مفيش مدير رخم يصدعك الصبح

  فتحت محفظتي اشوف فاضل معايا فلوس قد ايه

  لقيتها توديني رحله ذهاب بلا عوده

  و ممكن اقوم اسافر دلوقتي او بكره 

  لان عيد ميلادي بكره

  بس هل هندم اني همشي و اسيب كل حاجه ورايا 

  شغلي و حبيبتي و حياتي هنا 

• ولو عجبكم الكتاب، ممكن تقرأوا كمان "الخيميائي" لكويلو لأنه برضه بيتكلم عن رحلة طويله من الاندلس مرورا بصحراء افريقيا الشمالية و مرورا بمصر لحد مهيكتشف مفاجاه في نهايه الروايه