اول ايام عيد الاضحي المبارك في دبي
التفكير الكتير الي في الاجازه
٦:٤٣م
الاحد
دبي
اول يوم العيد
التكييف فاصل من الشقه الي احنا فيها
درجه الحراره ٤٥
هيتصلح تقريبا بكره
استحميت انا و زمايلي في السكن هننزل مول الامارات
بفكر بعد العيد هعمل ايه
تعبت من التفكير انا في اجازه مش عايز افكر في الشغل
عايز اعمل برنامج
ابقي زي الدحيح في الديزاين و الفن
مش عارف البرنامج ده هيبقي عامل ازاي
بس حاسس اني عندي قبول نوعا ما
و عندي فرصه
فربنا يوفقني لو ده فيه خير
عايز حاجه كمان
تعبت تعبت تعبت
عايز اعمل برنامج
عايز اكون صانع محتوي
و عايز اتعلم ثري دي علشان الشغل بتاعه حلو
و علشان فيه تحدي ليا اني اتعلم حاجه جديده
الدوا الي بخده علشان يهدي الاعصاب فاشخني
ايديا بترتعش
وقعت بيضتين من ايدي وانا بعمل اكل
و مره تانيه وقع مني الرز و انا بصفيه
بحس اني دايخ طول اليوم
عايز اعمل اكتر
حاسس اني خايف
ان في حاجه غلط مش عارف ايه هيا
مش مطمن
حلمي اشتغل مع براندات كبيره
اسافر اوربا اعيش تجارب جديده
و الف العالم
و مفيش اي خطه واضحه لكل البلانز دي
في جوايا نصين مقسومين
نص الشغل الي بروحه كل يوم و بديله وقتي
و نص الحاجه الي بعملها نفسي و عايز اكبرها
و القناه بتاعتي الي عايز ارجع اشتغل عليها تاني
بس القناه مش بتجيب فلوس
و الشغل بيجيب فلوس
انا رحت الشغل علشان في فرصه اني اشتغل علي بروجيكتات اكبر
و فرص اني اتعل و اشارك في حاجات اكبر
كل الي انا محتاجه صبر بس و اهدي
تعبت من الهدوء
من الرتم العادي للحياه
كنت متعود في الشغل القديم علش الضغط طول الوقت
و علي تحديات حتي لو وهميه
يمكن انا محتاج اهدي
و يمكن محتاج منزلشي البوست ده لانه خاص جدا و في كلام حساس عني
بيبن في ضعفي
وانا لوحدي في بلد تانيه و في اماره تانيه
اماره دبي
و مصادر الي معايا مش افضل حاجه
و صحتي مش افضل حاجه
و لو سالتني كمان شهر هتبقي فين ولا بتعمل ايه هقلك مش عارف
مش عارف حتي الشغل الي انا فيه هيكمل فيه ولا لا
مبقاش عندي اي احساس بالاستقرار و لا اي شئ
كان في يوم مفصلي يمكن اكتب عنه مره تانيه
اليوم الي كنت فيه ممكن مروحشي دبي و اخد شنطتي و اسافر اي بلد تانيه و انا معايا فلوس كفايه تعمل ده
ليه معملتشي كده
هبقي اكتب ده فمره تانيه
الخيره فيما اختاره الله