ازاي تشتغل في الامارات في ٣٠ يوم
٧:٢١ م
١٣-١١-٢٠٢٣
الاثنين
الاثنين اول يوم بالدوام في الامارات
اوصل المكتب ٨:٣٠ بالدقيقه
احط البصمه
افتح التلاجه اطلع عيش توست
و افتح علبه الجبنه السايحه و احطها علي التوست
و اظبط النسكافيه و دنيتي و اروح اصبح علي المدير دارا
المدير اسمه دارا كندي الجنسيه
و دمه خفيف و هبقي احكي عنه حاجات كتير
ازاي جيت الامارات و ليه رحت عمان يوم و رجعت بعد معديت شهر
و ازاي اشتغلت في شركه ليها اكتر من ٥٠ فرع حول العالم.
فمجموعه المقالات دي هكتب كل تجربتي من اول مجهزت شنطتي و حجز الطياره و الفيزا لحد ممضيت عقد العمل..
رحله ٣٠ يوم مكنتش بنام فيها
تايه في احياء دبي
كل يوم اقابل حد جديد
كل يوم حد يقلي حكايه
شفت البقاله سنين و مفلس و هربان من الحكومه و قاعد في الشارع
و شفت المليونير الي راكب عربيه جيب و احلامه انه يجيب المرسيدس
و انا جاي كان عندي هدف واحد و ميزاينيه فلوس محدوده
و حاجز العوده بعد اسبوع
فايه الي حصل علشان اشتغل هنا ؟ و هل الشغل حلو و مريح و المرتبات كويسه ؟
البداية …..!
مصر - كنت في ايفنت تابع لمنظمه المانيه في جامعه المنصوره كحكم لمسابقه للشباب المصممين…
كنا ٤ حكام و و بنقيم الطلاب و شغلهم
كنت اصغر واحد في الحكام
و كنت حاسس بالرهبه و مش عارف بعمل ايه
و كتير من الشباب الي عرضوا شغلهم انبهرت بيه و منهم جودته عدت شغلي
معظم وقتي في مصر السنه الي فاتت قضيته كمحاضر و كورسات بقدمها كخدمات و دي كانت حاجه حبيتها قوي اني اعلم شاب او بنتلسه في اولي كليه و حلمها تشتغل الحاجه الي بتحبها و لما بشوف نتايج شغل الطلاب و الفرحه فعنيهم لما يعملو اول شغلانه كنت بفرح واحس بانجاز عمري محسيته قبل كده.
ليه كنت عايز اسافر ؟
كان دايما بيروادني سؤال ايه الي بعد كدا …
ايه الخطوه الجاية.
بعد محاضرت في ورش صغيره
بقيت ورش كبيره
بقيت مجموعات اونلاين
و بقت بتيجي اوفر من جامعات كبيره احاضر فيها
و في رحت و في مرحتش
و اول tedx talk عملتها كان عندي ٢٥ س
متفهمونيش غلط لكن انا حبيت الي بعمله
ولكن حسيت ان في ناس احسن مني ممكن تعمل ده
ممكن تقدم ده و ناس عندها خبره اكتر ممكن تنقلها
حسيت اني صغير اني افضل اشرح و انقل تجاربي.
واني عايز تجربه جديده و مش عارف ايه هيا
الشغل بقي شبه بعضه و الكلاينتس بقت بتطلب نفس الحاجه.
و كان الي مش بيخليني اخد خطوه او ريسك اني فوضع مريح
و مش عايز اخاطر.
و كان هدفي اني اسافر اركب طياره بس معنديش اهداف تانيه معينة.
و في البلوج دي هتلاقوا كل افكاري مدونها في الفترات الي قبل مسافر
كنت بدون تقريبا يوميا فبصوا عليها
ازاي حجزت التذكره و الفيزا ؟
حمزه صحبي رن عليا
بقولك ايه في عرض دلوقتي علي سفر دبي التذكره ب ١٠٠٠ جنيه علي ويز اير و انا رايح وش هتيجي ولا ايه و الموضوع كله اكل وشرب وفيزا مش هيكلفك غير ١٠ تلاف جنيه و انتا حلمك تركب طياره و قاعد تاجل فلو هتحجز عرفني انهارده
- انا عايز اجي بس معييش فلوس دلوقتي صرفت كل الي معايا اليومين الي فاتو فجمصه
متشتغلشي بالك بالفلوس انا ححجزلك من معايا و انتا اول ميجليك فلوس اديهملي
- و ال ١٠٠٠ دولار هروح بيهم المطار ازاي
انتا حاول تتصرف فيهم سلف من حد من قرايبك و لو معرفتش انا هديهملك و ابعتلي دلوقتي صوره الباسبور و صورتك الشخصيه
وقت المكالمه دي كنت فجمصه و معايا شنطتي و الايباد و قاعد بلف و انزل اشتغل الصبح علي البحر وبعدها انزل اتفسح
روحت الشقه الي كنت ببات فيها
و صورت الباسبور و صورتي و كله حاجه بعتها لصحبي
وانا من جوايا متردد مش عايز اسافر لاني مش عايز استلف و في فلوس كانت هتيجي اول الشهر لكن برضه مكنتش عايز اخد ريسك وابوظ روتيني
وصراحه ايامي فمصر كانت لا تعوض و عمري مهنساها و كنت بستمتع بكل لحظه فيها
كنت عايش بالايباد بتاعي في شنطه و عندي بيتي و اوضتي اقعد فيهم و اما احب اغير جو اروح لصحابي في اكتوبر او صحابي فياسكندريه او لو حسيت بملل الساعه ٢ الفجر اروح الموقف اركب اول مواصله الايقها قدامي و انزل اي حته مره طنطا و مره بورسعيد و مرهراس البر و فمره رحت شلاتين عند حدود السودان بس دي ليها قصه لوحديها
وانا بسافر كنت بشتغل و ابات ففندق
او ممكن اني اتعرف علي حد في الطريق
و اروح ابات عنده وعملت ده كزا مره
و كتبت عن التجربه دي في البلوج
حاسس اني استفضت و اني بكتب روايه مش ازاي تخلص الورق او تشتغل
بس استحملوني انا بكتب بطريقه تلقائيه كاني بحكي لحد من صحابي
الفيزا - ازاي تخلصها
اي مكتب شركه سياحه يخلصهالك
انا عملت الشهر ب ٤٥٠ درهم يعني حوالي
٤٥٠٠ ج وقتها شهر ١٠ - ٢٠٢٣ و وقت مكانت الفيزا شغاله دفع
و الشهرين بتبقي ب ٧٥٠ درهم
لو ناول تروح تدور علي شغل اعملها شهرين افضل
و اتاكد انك تعمل الفيزا علي اماره دبي مش ابوظبي ولا الشارقه
علشان انا عملتها ابو ظبي و دي بوظتلي حاجات بعد كده
هتعرفوها بعدين
فاعمل فيزا علي دبي
و تحجز طيرا wiz air ارخص طيران بيطلع من سوهاج
انا معملتش اي حاجه من دي
حمزه صحبي الي عمل كل حاجه
لما كنا بنقعد علي القهوه نقعد نقول يالا نسافر دبي
يالا نروح بالي
بس كان مجرد كلام و كنت بقعد ادوس معاه في الكلام
و نقول ليه لا ما يمكن تحصل
مشكلتي مع السفر هي كانت الخوف
خوف من حاجات كتير
اولهم :
اني ثانويه عامه في الباسبور - لاني مخلصتش كليه علوم و سحبت ورقي
فطالع في الفيزا كاني عامل و ده ممكن يترخم عليا في المطار و اتقالي من ناس انهم هيرجعوك
تانيهم :
اني تخليص الورق الحكومي جبلي عقده نفسيه
قعدت ٦ شهور اخلص ورق الاعفا و مشاوير بت وسخه
و حتي الباسبور طلع ميتني فيه و البطاقه
مش عايز اتكلم عن الموضوع ده
بس انا كنت اتعقدت و كنت حاسس اني محبوس
و اكتشفت في الوقت ده ان الفلوس مش كل حاجه
و اوقات الوسايط و المعارف بتبقي اهم
وكمان هسافر هعمل ايه …
يعني انا هروح اشتغل في شركه او في اي حاجه
منا مرتاح كده ليه اروح اتعب نفسي
افكار كتير كانت معطلاني و مكنتش اعرف ايه فايتني هنا
لكن بعد ٤ ايام برا مصر اكتشفت اني فايتني حاجات كتير
و الفكره مش فالامارات و لكن الفكره في المحيط الي خارج مصر
اي بلد تانيه و اي تجربه جديده اي كانت فين هتكون فيها تجارب جديده و خبره جديده
فكده انتا حجزت تزكره ب ١٠٠٠ ج + ٤٥٠٠ ج فيزا شهر - او خلينا نحسب بالدرهم علشان لو حد بيقرا بعد زياده الاسعار
١٠٠ درهم + ٤٥٠ درهم و سكن اليوم ب ٣٥ درهم اضربهم في ٧ ايام = ٢٣٠ درهم تقريبا
دول اساسيات لازم تطلع بيهم من مصر و معاهم كمان تزكره العوده
متروحشي المطار من غير تزكره العوده
العوده كانت ب ٢٠٠ درهم و الاسعار و العروض بتختلف من وقت لوقت
بادجت الاكل لو هتوفر اقل حاجه ٣٥ درهم في اليوم = ٢٣٠ في اسبوع
الاجمالي =
١٠٠ + ٤٥٠ + ٢٣٠ + ٢٣٠ + ٢٠٠ = ١٢٥٠ درهم تقريبا… ده اقل حاجه في اسبوع
و محسبتش المواصلات بس قشطا اسال اي حد عليها وبلاش تركب تاكسي اركب مترو
مكتب سياحه يعملك كل ده او اي حد من صحابك الي مهوسيين بالسفر او كلم حمزه علي انستجرام يظبطلك الحاجات دي مش فاكر اكونتهايه الصراحه هتلاقيه عندي في المتابعيين
اول اسبوع -
خرجت و اتفسحت و صورت فلوج
وقابلت كزا حد كلمني انستا بعد منزلت ستوري
كل يوم كنت اخرج مع حد من المصريين الي متابعني يفسحني
ويعزمني علي اكل
الصراحه المصريين كرما في الامارات
————————————————
الطيارة :-
————————————————-
بوز كوفي :-
————————————————
قبل الفيزا متخلص ب ٥ ايام !
و اوفر الشغل الي جالي…..
شوفو الفلوج فيه باقي كل التفاصيل
اللينك
لسه بيمنتج
Youtube.com/@hofy_designs
لو اتاخرت ابعتلي رساله انستا فكرني
Ig : mohofy
حاستنى البلوج بتاع شلاتين