ازاي تشتغل في الامارات كمصمم جرافيك ؟ دليل كامل
الشغل في الامارات و تحديدا في دبي و ابو ظبي او الشارقه بيوفرولك فرص تطور رهيبه و البيئه بتساعدك بالفرص الكتير المتوفره فيمختلف المجالات من اول التكنولوجيا و العقارات و السياحه و غيرها ولو انتا مصمم جرافيك فكل الشركات دي بتحتاج مصمم جرافيك
في البوست ده دليل لكل حد عايز يشتغل هنا و تجربتي بعد مجيت الامارات و اشتغلت في اليوم ٣٠ و هقولكم رينج المرتبات بعد مقولكم عنالخطوات و الحاجات الي تجهزها قبل متيجي و تلاقي فرص مناسبه ليك.
ايه الخطوات الي تعملها علشان تشتغل في الامارات ؟
اعمل بورتفليو قوي: البورتفليو هو معرض اعمالك و تصميماتك الي عملتها و تظبطها ببريزنتيشن قويه جدا و زي مبيقولو تظبيط الشغل اهم من الشغل ركز جدا في اول ٣ بروجيكتات في بيهانس او غيره يكونوا ملفتين خلي البورتفليو محدث باستمرار و اعمل منه نسخه pdf كمان
جهز شهادتك : شهاده في التصميم الجرافيكي او شهاده تانيه جامعيه ووثقها قبل متيجي من سفاره الامارات ده هيخليها معتمده هنا و برضه شهادات في الكورسات الي خدتها في البرامج او التصميم هتبقي اضافه مع العلم اني اشتغلت من شهاده ولا كورسات معتمده
مهاراتك تبقي متنوعه و مرنه : خلي عندك مهارات مختلفه علشان في الامارات فكره التنوع مفيده لما تكون شغال في تيم و معاك بروجيكت كبير في تخصصات كتير من اول الطباعه و البراندينج و تصميم المواقع و الرسم و غيرها خد خبره من كل بروجيكت تخشوا
اشتغل و خد خبره في شركات مصريه قبل متيجي هنا.
المكتب بتاعي افهم السوق الاماراتي : خلي عندك فكره عن الترندات الموجوده في السوق الاماراتي و الوان الهويه الاماراتيه و اعرف هنا محتاجين ايه و ده ممكن تجربه بانك تشتغل فري لانس الاول مع عملا من الامارات
حضورك الاونلاين مهم : خلي عندك تواجد علي منصات التواصل الاجتماعي و نزل فيها شغلك منصات زي لينكد ان و بيهانس وانستاجرام نزل شغلك و اتفاعل مع الناس الي شبههك في المجال. وادعموا بعض انا الاوفر جالي عن طريق الفيس بوك و بعد منزلتفيديوو جالي كزا اوفر من التيك توك ففكر بطريقه مختلفه
التقديم علي شغل : قدم علي مواقع زي bayt, gulftalent and linkedin in addition to. Indeed. و المهم تعمل سي في احترافي
ال c.v لازم يبقي احترافي : ركز في كل حرف يبقي مكتوب صح و ايه كابيتال و ايه الجرامر مكتوب ازاي و ده السي في بتاعي ممكن تشتريه من هنا و تعدل عليه هيوفر عليك وقت لينك cv
جهز نفسك للانترفيو : اعمل research عن. الشركه. و جهز نفسك للاسئله الي بتتقال في الانترفيو و خليك جاهز علشان تناقش ازاي بتعمل التصميمات بتاعتك
تعالا الامارات بعد مطبق الخطوات الي فاتت : وجودك في الامارات مع وجود رقمك الاماراتي في السي في هيزود فرصك في القبول عشر اضعاف لاننا في الشركه الي فيها لما بنعين بنبقي عايزين حد حالا فمش هنستني حد يجي من مصر فوجود هنا هيفرق فسرعه التعيين
خليك صبور و استفاد من كل فرصه : السوق في تنافس رهيب مع كل الجنسيات خليك صبور و معاند و قدم كتير كل يوم و خليك منفتح لاي نصيحه و فييد باك و طور من نفسك و اسال الي حواليك ازاي اطور من نفسي في شغلانتي و غيره
خليك فاكر كل شركه و وظيفه بتختلف و ليها طريقه تقديم فخليك مرن و تواكب و خليك مبدع في الطريقه الي تقدم بيها للشغل
ميزه الشغل في الامارات ان مفيش ضرايب كل الي بتقبضه بيبقي معاك و مرتبات هنا بتبتدي من ٥ الاف درهم كبدايه و توصل ل ١٥ لمصمم جرافيك.
هتتعامل مع ناس من كل الجنسيات و هتلاقي جوده في الحياه في الاكل و المستشفيات و في النظافه و حتي ف الشوارع
انا حجزت فيزه من مصر ب ٤٥٠٠ ج و تزكره ب ١١٠٠ من ويز اير اي شركه سياحه تعملهالك في يومين وصرفت حوالي ٣٠٠٠ درهم فياول شهر اكل و سكن و اعتقد اني بعزقت شويه فانتا ممكن تظبط اكتر من كدا
حدد اهدافك و توكل علي الله